Fərz edin ki, çalışdığınız sahə üzrə ümumi cədvəl düzəltmisiniz və bütün şirkətə aid olan məlumatları bir cədvəldə toplamısınız. Ancaq həmin cədvəli bütünlükdə deyil də, aidiyyatı bölmələr üzrə çap edib təqdim etməlisiniz. Bunun üçün filterdən istifadə edib tək-tək çap edəcəksiniz. Ancaq bu səfərdə, qeyd etdiyiniz sıra sayıları düzgün formalaşmamış olacaq. Həmin sıra sayılarını hər filterdə düzgün formalaşması üçün nə etməliyik?

Filterdə düzgün sıra sayılarını əldə etmək üçün SUBTOTAL funksiyasından istifadə edəcəyik. Bu funksiyadan istifadə etməmizin səbəbi odur ki, bu funksiya həm filter olunmuş sətrləri, həm də gizlədilmiş sətrləri tanıya bilir.

Əgər məlumutlar (başlıq xaric) ikinci sətrdən etibarən başlayırsa, o zaman funksiyamız bu şəkildə olacaqdır. Bu funksiyanı A2 xanasına (və ya sıra saylarının başladığı xanaya) yazıb cədvəl boyunca aşağı çəkəcəyik.

=SUBTOTAL(3;$B$2:B2)

Fikir verdinizsə, funksiyanın ikinci arqumentində ilk A2 xanası sabitlənib ($A$2). “3” rəqəmi isə funksiyanın içərisindəki “COUNTA” sətrini ifadə edir. COUNTA isə göstərilən xanalarda boş olmayan xana sayısını hesablayır.

Yekun olaraq funksiya filterlənmiş cədvəldə boş olmayan xanaların sayısını hər bir sətr üzrə hesablayacağı üçün biz nəticədə filter olunmuş cədvəldə düzgün sıra sayısı əldə etmiş olacayıq.

Numune Faylini yuklemek ucun

Daha detaylı məlumat üçün aşağıdakı youtube videosuna baxa bilərsiniz.

Təşəkkürlər