VLOOKUP funksiyasında məlumatların gətirilməsi haqqında yazmışdıq. Ancaq bu funksiya təkcə bir sütun üzrə məlumatları gətirir. Əgər biz iki sütuna əsasən məlumatları gətirmək istəyiriksə o zaman necə etməliyik?

İki və daha artıq sütunlara əsasən məlumatların gətilməsinin bir neçə yolu var. Bugün, bunlardan ən sadəsi haqqında yazacayıq.

Şəkildəki kimi cədvəlimizin olduğunu düşünək. Burda hər bir zona üzrə satış nöqtələri və əməkdaşlıq etdiyimiz şəxslər göstərilib. Biz “Şimal Zonas”nda olan “Oba Market” üzrə əməkdaşımızı tapmaq istəsək sadəcə “Oba Market” üzrə VLOOKUP verməmiz düzgün olmayacaq çünki funksiya ilk gördüyü məlumatı (Məmmədov Vüsal) gətirəcək. Halbuki biz burda iki şərt tələb edirik. Bu səbəbdən, funksiyaya hər iki şərti tanıdıb daha sonra məlumatımızı axtaracayıq.

Bu məsələnin ən sadə həll yolu, köməkçi sütundan istifadə edərək şərtlərimizi birləşdirib daha sonra isə həmin köməkçi sütuna VLOOKUP funksiyasını tətbiq etməkdir.

Biz köməkçi sütunu cədvəlin əvvəlində yaratdıq çünki, VLOOKUP funksiyasında axtarılan dəyər cədvəlimizin ilk sütununda olmalıdır. Köməkçi sütunda “=B2&C2” funksiyasından istifadə edərək iki sütundakı sətrləri birləşdirdik. Bu şəkildə unikal sətrlər yaratmış olduq. Yəni, “Oba Market” 4 dəfə təkrarlanmasına baxmayaraq, “Region” sütunu ilə birləşdirdikdən sonra bizim artıq təkrarlanan sətrlərimiz qalmadı.

=VLOOKUP(G1&G2;A1:D11;4;0)

Funksiyanın ilk arqumentində biz axtarılan dəyərlərimizi də birləşdiririk çünki, yeni yaratdığımız sütun axtarılan dəyərlər ilə üst-üstə düşməlidir. İkinci arqumentdə, yeni yaratdığımız köməkçi sütunu da daxil edərək bütün cədvəli seçdik. Üçüncü arqumntdə axtarılan dəyərin (əməkdaş) sütun nömrəsi, dördüncü arqumntdə isə axtarış növü (FALSE – 0) seçildi. Məlumatın olmama ehtimalına qarşı funksiyanı IFERROR içərisinə ala bilərsiniz.

=IFERROR(VLOOKUP(G1&G2;A1:D11;4;0);"")

Eyni məsələni, INDEX-MATCH kombinasıyası ilə də həll edə bilərik.

=INDEX(D:D;MATCH(G1&G2;A:A;0))

INDEX-MATCH kombinasıyasının üstün cəhəti ondadır ki, köməkçi sütunu istədiyimiz sütunda yarada bilərik. VLOOKUP-dakı kimi cədvəlin əvvəlində yaratma məcburiyyətimiz yoxdur.

Mövzu ilə əlaqəli məqalələri bu linklərdən oxuya bilərsiniz

Dəqiq və Təqribi Axtarışa Əsasən Məlumatların Gətirilməsi – VLOOKUP

INDEX-MATCH Kombinasiyası. VLOOKUP Əvəzi və daha Çoxu