Məlumatların Geriyə və Aşağı Doğru LOOKUP Verilməsi, INDEX-MATCH və OFFSET
- By : Elnur Isayev
- Category : INDEX, MATCH, OFFSET, Orta
- Tags: Müsabiqə suallarının cavabları, Müxtəlif növ LOOKUP-lar
Cədvəldə illər sütunlar üzrə, market və müqavilə nömrələri isə sətrlər üzrə verilib. Axtarışı market və il məlumatına əsasən veririk. Ancaq, rəqəmlərimiz market adıyla eyni sətrdə deyil. Tələb olunan rəqəmlər, market adlarının bir sətr aşağısında olan müqavilə nömrələri ilə eyni cərgədədir. Biz burda, tələb olunan marketin bir sətr aşağısına və sütunlar üzrə isə market adının olduğu sütunun gerisinə və ya qarşısına LOOKUP verməliyik.
INDEX-MATCH ilə həll yolu
Index-Match kombinasiyası ilə həll yolu eyni ilə sətr və sütunlara görə məlumatın gətirilməsi kimidir, ancaq sətrlərdə məlumatı axtararkən tapılan dəyərin üzərin “1” rəqəmini gələcəyik. Çünki, axtarılan dəyərlər market adlarının bir sətr altında yerləşən müqavilə kodu ilə eyni cərgədədir. Məsələn, biz əgər “D2:D11” diapozununda “Hiper Market”i axtarırıq.
=MATCH(I1;D2:D11;0)+1 =5+1
MATCH funksiyası “5” nəticəsini verir və biz üzərinə “1” rəqəmini gələrək müqavilə kodunun neçənci sətrdə olduğunu tapdıq. Digər arqumentlərdə isə dəyişiklik yoxdur. Tam funksiya bu şəkildədir
=INDEX(A2:F11;MATCH(I1;D2:D11;0)+1;MATCH(I2;A1:F1;0))
İstifadə olunan INDEX-MATCH funksiyaları haqqında bu linklərdən oxuya bilərsiniz
Sətr və Sütunlara Əsasən Məlumatların Gətirilməsi – VLOOKUP, HLOOKUP, INDEX-MATCH
INDEX-MATCH Kombinasiyası. VLOOKUP Əvəzi və daha Çoxu
OFFSET ilə həll yolu
Axtarılan dəyər bir xanadan ibarət olduğu üçün biz OFFSET funksiyasının ilk üç arqumentindən istifadə edirik. Çünki, 4-cü və 5-ci arqumentlər bir neçə xanadan ibarət diapazona referans vermək üçün istifadə olunur. İlk arqumentdə başlanğıc xanamızı “A1” göstərdikdən sonra MATCH funksiyası ilə “Market” adının neçənci sətrdə olduğunu tapırıq, və yenədə MATCH funksiyasından istifadə edirik. Bu funksiya OFFSET funksiyasının ikinci arqumentində qeyd olunur.
=MATCH(I1;D2:D11;0)+1
Əgər diapazonu “D1:D11” seçmiş olsaydı MATCH funksiyasının nəticəsi “6” olduğu üçün üzərinə “1” gəlmirik.
İkinci arqumentdə isə, neçə sütun sağa hərəkət etməli olduğunu göstərməliyik
=MATCH(I2;A1:F1;0)-1
İkinci arqumentdə isə nəticədən “1” rəqəmini çıxırıq, çünki ilk OFFSET funksiyası “A1” xanasından başlayır.
Tam funksiya bu şəkildədir
=OFFSET(A1;MATCH(I1;D1:D11;0);MATCH(I2;A1:F1;0)-1)
Bu şəkildə biz, OFFSET funksiyasının INDEX-MATCH əvəzinə necə istifadə olunabiləcəyini gördük.
OFFSET funksiyasının istifadəsi haqqında aşağıdakı linkdən oxuya bilərsiniz