Tarix Funksiyalarına Qısa Baxış (YEAR, MONTH, DAY, DATE, TODAY, NOW, WEEKDAY, WEEKNUM)
- By : Elnur Isayev
- Category : Başlanğıc, DATE, MONTH, NOW, TODAY, WEEKDAY, WEEKNUM, YEAR
- Tags: Tarix və Saat Hesablamaları
Bugünkü yazımızda ən sadə tarix funksiyalarına qısa baxış olacaq. Funskiyalarda “seriya nömrəsi” tarix məlumatının özünü təmsil edir. Arqument kimi “seriya nömrəsi” tələb edən funsksiyalarda tarixlər düzgün formatda olmalıdır. Tarix məlumatları haqqında daha ilkin məlumatı “Exceldə Tarix Məlumatlarına Giriş” adlı məqaləmizdən oxuya bilərsiniz.
YEAR (İl) – Seriya nömrəsini il rəqəminə çevirir.
MONTH (Ay) – Seriya nömrəsini ay rəqəminə çevirir
DAY (Gün) – Seriya nömrəsini gün rəqəminə çevirir.
DATE (Tarix) – rəqəmləri tarixə çevirir. Üç arqumenti var, (il,ay,gün). =DATE(2000,12,01) funksiyası “01 Dekabr 2000” tarixinin seriya nömrəsini verəcəkdir. Bu funksiyada arqumentlər “rəqəm” olaraq daxil edilməli olmasına baxmayaraq, həmin rəqəmlər mətn formatında olsa da funksiya düzgün çalışacaq.
TODAY (Bugün) – bugünün tarixini göstərir. Arqumenti yoxdur. TODAY funksiyası, cədvəl hər dəfə hesablandıqda yenidən hesablanır.
NOW (İndi) – bugünün tarixini və vaxtını göstərir. Arqumenti yoxdur.
WEEKDAY (Həftənin Günü) – Verilən tarixin həftənin neçənci günü olduğunu göstərir. Nəticəsi 1-dən 7-ə kimi olur. İki arqumenti var: (seriya nömrəsi, cavab tipi). Cavab tipində şəkildə gördüyünüz kimi siyahı çıxacaqdır. Bizə uyğun olanı 2 nömrəli olandır. Yəni, həftə Bazar ertəsi ilə başlayır və Bazar günü bitir.
Misal üçün, bügünkü tarixin həftənin neçənci günü olduğunu tapmaq üçün funksiya bu şəkildə yazılacaqdır
=WEEKDAY(TODAY();2)
WEEKNUM (Həftə Nömrəsi) – Həftənin il içində neçənci olduğunu göstərir. Bir ildə 52 həftədən hansı nömrəli həftə olduğunu göstərir. İki arqumentə var, (seriya nömrəsi, cavab tipi). Bir əvvəlki funksiyada olduğu kimi 2 nömrəli sətir bizim tarix formatımıza uyğun olanıdır.
Comments:
No Comments