Keçən yazımızda yuvarlaqlaşdırma funksiyaları haqqında ümumi məlumat verdik. Həmin yazıda rəqəmlərin tam sayıya, vergüldən sonra istənilən səviyyəyə və ya 10, 100, 1000-li (və s) səviyyələrə yuvarlaqlaşdırmalarını gördük. Bugünki yazımızda isə, rəqəmlərin 5-li sayılara (5, 50, 500 və s.) necə yuvarlaqlaşdırıla biləcəyini görəcəyik. Əslində bugün görəcəyimiz yuvarlaqlaşdırma funskiyalari təkcə 5-li rəqəmlərə deyil, istədiyiniz müsbət rəqəmə yuvarlaqlaşdırma üçün istifadə oluna bilər.

ROUND funksiyalarındakı kimi, bu funksiyalarda üç ayrı hissəyə bölünür. Həmin funksiyalar aşağıdakı kimidir;

MROUND funksiyası əldə olan rəqəmi tələb etdiyimiz bölünənə ROUND funksiyası kimi yuvarlaqlaşdırır. Misal üçün; əgər biz 1210 rəqəmini 500-ə yuvarlaqlaşdırmaq istəyiriksə 210 rəqəmi 500-ün yarısından az olduğu üçün nəticəmiz 1000 olacaqdır. Davranışı ROUND funskiyası kimidir.

=MROUND(1210;500)    = 1000

=MROUND(1365;500)    = 1500

FLOOR funksiyası əldə olan rəqəmi tələb etdiyimiz bölünənə ROUNDDOWN funksiyası kimi yuvarlaqlaşdırır. Tam hissədən sonra natamam hissənin böyüklük və kiçikliyindən asılı olmayaraq aşağı doğru yuvarlaqlaşdıracaqdır.

=FLOOR(1210;500)   = 1000

=FLOOR(1499;500)   = 1000

CEILING funksiyası əldə olan rəqəmi tələb etdiyimiz bölünənə ROUNDUP funksiyası kimi yuvarlaqlaşdırır. Tam hissədən sonra natamam hissənin böyüklük və kiçikliyindən asılı olmayaraq üstə doğru yuvarlaqlaşdıracaqdır.

=FLOOR(1001;500) = 1500

=FLOOR(1499;500) = 1500

Bu funksiyalarda, arqumentlərin hər iki tərəfi eyni simvolda olmalıdır. Yəni, hər ikisi ya mənfi, ya da müsbət rəqəmlərlə göstərilmədir. Aşağıdakı funksiya #NUM! xətası verəcəkdir.

=MROUND(1300;-500)

İkinci Həll Yolu

ROUND funksiyalarını istifadə edərək yenə də eyni nəticəyə gələ bilərik.

Nümunə, 2532 rəqəmini MROUND funksiyasındakı kimi 500 ilə yuvarlaqlaşdırmaq istəyiriksə, o zaman formula bu şəkildə olacaqdır

=ROUND(2532/500;0)*500

=ROUND(5,064;0)*500

=5*500

=2500

Əsas məntiq ondan ibarətdir ki, rəqəmimizi bölünənə böldükdən sonra yuvarlaqlaşdırıb yenidən bölünən ilə vurduq. ROUND funksiyası natamam hissəni yuvarlaqlaşdırdığı üçün 500 ilə vurduqdan sonra avtomatik olaraq 500-ə yuvarlaqlaşdırmış olduq.

Alternativ həll yolları bu şəkildə olacaqdır

Nümunə faylını burdan yükləyə bilərsiniz

Məqalənin video versiyasını youtube kanalımdan izləyə bilərsiniz.