Siyahıların Funksiya ilə bərabər Hissələrə Bölünməsi
- By : Elnur Isayev
- Category : COUNTA, Nümunələr və Hilələr, Orta, ROUNDUP, ROW
- Tags: Müsabiqə suallarının cavabları, Sıra sayılarının avtomatlaşdırılması
Düşünün ki, minlərcə sətrlərdə ibarət siyahınız var və həmin siyahını bir neçə hissəyə bölüb ya iş bölgüsü ya da başqa bir əməliyyat edəcəksiniz. Ancaq manual olaraq həmin siyahını bərabər hissələrə bölmək vaxt alacaq. Bunu sadə funskiyalarla həll etmək mümkündür. Əvvəlcə Facebookda yayımlanmış bu sualı görüntülü olaraq izləyək.
Siyahının neçə hissəyə bölünməsini istifadəçi özü xanaya rəqəmi daxil edərək müəyyən edir (“D3 Xanası”)
Əvvəlcə sıyahımızdakı sətr sayısını tapırıq. Bunun üçün COUNTA funksiyasından istifadə ediləcək
=COUNTA(A:A) "Nəticə: 18"
Daha sonra, əldə etdiyimiz sətr sayısını bölmək istədiyimiz rəqəmə bölürük. (Misal üçün 3 hissəyə)
=COUNTA(A:A)/$D$3 "Nəticə: 6"
Əldə etdiyimiz rəqəm (6) bizə hissələrin nəçə ədəddən bir artmasını göstərir. Yəni, hər 6 sətrdən bir rəqəmlərimiz bir vahid artacaq.
İndi isə, hər bir sətr nömrəsini əldə olunan 6 rəqəminə bölürük. Sətr nömrəsini tapmaq üçün ROW funksiyasından istifadə edilir. ROW funksiyası arqumentində xana referans verilmədiyi zaman, daxil edildiyi xananın sətr nömrəsini göstərir.
=ROW()/(COUNTA(A:A)/$D$3
Bu şəkildə, ilk 6 sətr birdən kiçik olacaq və yeddinci (13-19 və s) sətrdə tam vahiddən böyük rəqəm alınacaq.
Sonda isə, əldə olunan hər bir rəqəmi üstə doğru “0” səviyyəsində yuvarlaqlaşdırsaq 6 vahiddən bir artan tam sayılar alırıq.
=ROUNDUP(ROW()/(COUNTA(A:A)/$D$3);0)
Bu funksiyamı siyahının ilk sətrində yazıb aşağı doğru çəkirik.
Məqalədə istifadə olunan funksiyalar haqqında aşağıdakı linklərdən oxuya bilərsiniz
Müxtəlif növ Məlumatların Sayımı – COUNT, COUNTA, COUNTBLANK, SUMPRODUCT
Yuvarlaqlaşdırma Funksiyaları (ROUND, ROUNDUP, ROUNDDOWN, INT)
Soraq və İstinad Funksiyaları (MATCH, ROW, ROWS, COLUMN, COLUMNS, AREAS, INDEX)
Faylı endirmək üçün